مطلوب لعبة كويز تفاعلية لاستخدامها في الفصل

أنا مدرس وعايز حد يعملي لعبة كويز بسيطة أستخدمها كنشاط تفاعلي جوا الفصل، تتعرض على بروجكتور أو شاشة كبيرة قدام الطلاب. اللي محتاجه بالتفصيل: نظام الفرق اقدر أختار عدد الفرق في بداية اللعبة (من 2 لحد 4 فرق) اكتب اسم كل فريق بنفسي، وكل فريق يكون ليه لون مختلف عشان يبقوا واضحين على الشاشة شاشة اللعب عايز بار نقاط ثابت فوق، يوضح اسم كل فريق والنقاط بتاعته أول بأول السؤال يظهر في النص مع 4 اختيارات، بخط كبير وواضح يتقرى من بعيد على البروجكتور تسجيل النقاط أنا هقرا السؤال بصوتي والطلاب هيردوا شفهيًا أو برفع الإيد محتاج زرار جنب كل فريق أدوس عليه يدويًا لما يجاوبوا صح، والنقاط تتزود تلقائي مفيش داعي الطلاب يستخدموا أي جهاز أو موبايل، أنا اللي هتحكم في كل حاجة من شاشتي مؤقت زمني عايز عداد تنازلي يظهر مع كل سؤال (مثلاً 15 أو 30 ثانية)، وأقدر أوقفه أو أشغله يدوي لو احتجت وقت زيادة الأسئلة عايز ترتيب الأسئلة يبقى عشوائي في كل مرة بفتح فيها اللعبة بعد ما أكشف الإجابة الصحيحة، يبقى فيه زرار "السؤال التالي" النتيجة النهائية في الآخر عايز شاشة تجمع كل الفرق وترتبهم من الأعلى للأقل نقاط يكون فيه شكل احتفالي بسيط للفريق الفايز (زي تكبير الاسم أو حركة بسيطة) متطلبات تقنية: حابب يبقى شغل بـ React.js أو أي تقنية ويب حديثة، المهم يكون سريع وما يحتاجش سيرفر معقد عايز أقدر أعدل الأسئلة بنفسي بسهولة من غير برمجة بعد التسليم يبقى متجاوب وشغال كويس على أي لابتوب أو شاشة عرض التسليم المطلوب: الكود كامل رابط شغال مباشر أقدر أفتحه من المتصفح وأستخدمه فورًا في الفصل