صممت روبوت مرشد سياحي يتفاعل مع الزوار داخل المتاحف باستخدام تقنيات الرؤية الحاسوبية والذكاء الاصطناعي التوليدي. الروبوت بيستخدم مكتبة MediaPipe للتعرف على حركة اليد في الوقت الفعلي، فيميز لو السائح بيلوّح للترحيب أو الوداع، أو بيشاور بإصبعه على معروضة معينة عايز يعرف تفاصيلها. لما السائح يشاور على قطعة أثرية، الروبوت بياخد صورة من الكاميرا للجزء اللي بيتم الإشارة ليه، ويمررها لموديل تصنيف صور مبني بمكتبة PyTorch عشان يتعرف على هوية المعروضة، ثم يستخدم نموذج لغوي (GPT) عشان يولّد شرح مبسط وشيق عنها بالعربي، ويحوله لصوت مسموع عن طريق تقنية تحويل النص إلى كلام (pyttsx3). الحل ده بيدمج بين معالجة الصور، التعلم العميق، معالجة اللغة الطبيعية، والتفاعل الصوتي في نظام واحد متكامل يقدم تجربة سياحية ذكية وتفاعلية.
