الأرق ومشاكل النوم
"ماتيو ووكر" (Matthew Walker) في كتابه الشهير "لماذا ننام" (Why We Sleep) بيقول: إن إحنا الكائن الوحيد اللي بيحرم نفسه من النوم بدون أي مكسب حقيقي. وزي ما بيقول: أخطر تأثير للنوم إنك مش بتدرك أصلاً إن عندك تدهور في النوم! وللأسف ده مش رأي، ده تم إثباته عن طريق تجارب وأبحاث كتير.
خليني أختبرك اختبار سريع؛ جاوب على الأسئلة اللي جاية بـ (نعم) أو (لا):
هل بتحتاج منبه كل يوم علشان تصحى؟
هل بتختلف مواعيد نومك بين يوم والتاني أكتر من ساعة؟
هل بتعوض نومك في نهاية كل أسبوع؟
هل بتستخدم تليفونك كل يوم قبل ما تنام على السرير؟
لو جاوبت بـ "نعم" على اتنين أو أكتر، فأنت عندك حاجة من اتنين: إما ساعة بيولوجية مضطربة، وإما عندك حاجة اسمها "دين نوم مزمن"
