أحذية فخمة: حملة إعلانية للأحذية الراقية | Luxury Footwear Advertising Campaign

المجموعة دي من التصاميم بتمثل حملة إعلانية متكاملة ومترابطة لبراند أحذية راقي نوع العمل: تصاميم إعلانات ديجيتال لوسائل التواصل الاجتماعي (Social Media Ads) متفصلة مخصوص عشان تبني هوية بصرية فخمة لبراند أحذية فاخرة. ميزات العمل: شياكة وفخامة عالية: الاعتماد على ميكس ألوان بين الأسود المطفي، الأخضر الزيتي الغامق، مع لمسات دهبي بتنطق التصميم وتديله برستيج. تنوع يغطي كل الأذواق: الإعلانات بتعرض تشكيلة كاملة ومكمله؛ من أول الجزم الكلاسيك الرسمية والبوت، لحد السنيكرز والكوتشيات الكاجوال والعصرية. التركيز على تفاصيل المنتج: الإعلان بيبين جودة التقفيل والخامات (زي الجلد الطبيعي والراحة) من خلال زوايا تصوير قريبة ومدروسة بتخطف العين. فونطات عربي: استخدام خطوط عربية باللون الدهبي متناسقة جداً مع روح "البراند الفاخر" وبتشد العميل بعبارات تسويقية قوية (زي "الأفضل يكتمل بك"، "أقوى العروض"، "الفرصة الأخيرة"). طريقة التنفيذ: الشغل ده اتفذ ديجيتال عن طريق دمج تصوير المنتجات الاحترافي (Product Photography) مع برامج الجرافيك زي الفوتوشوب. اتلعب فيه بالإضاءة (Spotlight) عشان تعمل ظلال واقعية تخلي الأحذية تبان وكأنها طاير في الهواء أو محطوطه على أرضية رخام سوداء فخمة، ده غير التكستشرز (Textures) والتدرجات اللونية اللي في الخلفية واللي إدت عمق وراحة بصرية للتصميم.