الفكرة هنا مكانتش مجرد "تصميم بوست وخلاص"، الفكرة إزاي نخلي شكل صفحة الجيم أو الكوتش براند بجد يخلي المشتركين يثقوا فيه ويدفعوا في باقات التدريب أونلاين وهم مطمنين.
اشتغلت في المشروع ده على كذا حاجة عشان نطلع بأحسن نتيجة:
قوالب للتمارين والنصائح: عملت ديزاينات مريحة للعين عشان الكابتن ينزل عليها جداول التمارين والدايت اليومي، والناس تحب تعمل لها سيف وتعمل شير للصفحة.
إعلانات الباقات والعروض: صممت بنرات تفتح النفس للإعلان عن باقات المتابعة الأونلاين، مع التركيز على "عرض السعر" والـ Call to action عشان اللي يشوف البوست يدخل يكلم الكوتش علطول.
صور "قبل وبعد" (Transformation): صممت قالب مخصوص لعرض نتايج المشتركين بشكل احترافي ومحمس جداً، لأن دي أكتر حاجة بتجيب مشتركين جدد.
الخلاصة: الشغل كله معمول بروح رياضية وحماسية (ألوان حامية وجريئة)، المقاسات مظبوطة بالملي لكل منصة عشان الديزاين ميتكسلش، والتسليم كان بأعلى جودة وصيغ جاهزة للاستخدام علطول.
