أي حد جرب يبرمج موقع أو يفتح متجر إلكتروني جديد، عارف إن أصعب مرحلة هي بعد ما المبرمج يخلص شغله ويسلمك الموقع فاضي. هنا بييجي دوري عشان أفرش لك الموقع ده وأجهزه بالكامل عشان يبدأ يجيب فلوس فوراً.
ببساطة دي الحاجات اللي هعملها عشان أريحك وأوفر وقتك:
تعبئة الموقع بالمنتجات أو المقالات: هرفع لك كل المنتجات أو المحتوى اللي عندك، وهظبط صورها عشان تطلع مريحة للعين، وهكتب وصف واضح وبسيط يخلي الزبون يشتري وهو مطمن، وكل ده بترتيب منظم جوة لوحة التحكم (ووردبريس، سلة، زد، أو أي منصة ثانية).
كتابة صفحات الموقع الأساسية: هصيغ لك نصوص صفحات (من نحن، شروط الاستخدام، اتصل بنا، وسياسة الاسترجاع) بأسلوب مريح مفهوم.
تجربة الموقع كأني زبون حقيقي: قبل ما تفتح الموقع للناس، هتدخل أجرب كل حاجة بنفسي, هضغط على الأزرار، هجرب أشتري، وهتأكد إن اللينكات كلها شغال صح، ولو لقيت أي غلطة تقنية هبلغك بيها فوراً عشان نصلحها قبل الإطلاق.
تظبيط الإعدادات اللي بتلخبط: هساعدك في تنظيم أقسام الموقع، وتظبيط إعدادات الكاتيجوري والبيانات الأساسية عشان العميل لما يدخل يلاقي كل حاجة في مكانها الصح وسهلة الاستخدام.
الهدف من الخدمة دي إني أشيل من عليك صداع التفاصيل الصغيرة والإدخال الممل، وأسلمك في الآخر موقع جاهز ومترتب تفتح فيه البيع فوراً وتستقبل أول زبون وأنت مرتاح.
