Hello 👋
حابة اشارككم مشروع اشتغلت عليه من فترة قريبة عن Visit Egypt، وطبعا من أحلى الحاجات اللي ممكن أتكلم عنها خصوصا بعد افتتاح المتحف المصري الكبير 🥰
بدأت أشتغل على الـ UX من ناحيتين:
أول حاجة المحتوى والمعلومات اللي هتتقدم جوه الموقع، وتاني حاجة الصور بحيث متخليش اليوزر يزهق وهو بيتصفح. الموضوع خد وقت شوية علشان أتأكد إن كل حاجة متغطية بشكل كويس ومفيد.
⁉️ وأهم سؤال كان شاغلني: ايه المشاكل اللي ممكن تقابل الأجانب وهما جايين يزوروا مصر؟
لقيت إن أكبر مشكلة هي إنهم مش بيبقوا عارفين وسائل المواصلات وأسعارها، وده بيخليهم قلقانين حد يضحك عليهم، خصوصا إن الأسعار بتختلف من محافظة للتانية.
فبناءً عليه ضيفت Section في كل محافظة فيه تفاصيل عن المواصلات وأسعارها، وكمان في المحافظات الكبيرة ضيفت خريطة توضح خطوط المترو علشان يبقى مع السائح كل المعلومات اللي محتاجها.
🌤️ كمان اهتميت إني أعرفهم بطبيعة الجو في مصر، ودي شوية نصايح زي إنهم يشربوا مياه كتير بسبب الحرارة، خصوصا إن عندهم درجات حرارة أقل، فده مهم لسلامتهم.
⚫⚪ بالنسبة للـ Accessibility، ركزت على الناس اللي عندهم عمى ألوان، واشتغلت على اختيار ألوان مناسبة بمعايير WCAG AA. استخدمت أداة Contrast Checker علشان أتأكد إن كل الألوان واضحة ومقبولة، وكنت براجع أي لون جديد بنفس الطريقة.
❌ كمان في حالات الـ error، ما اعتمدتش على اللون الأحمر بس، لكن ضيفت Text واضح يشرح المشكلة علشان يكون سهل على الكل يفهمها.
👂 وما نسيتش الناس اللي عندهم ضعف سمع، ف في قسم الفيديوهات ضيفت CC (ترجمة أثناء التشغيل)، وكمان Description تحت كل فيديو يوضح المحتوى بشكل مختصر.
